Տյառնընդառաջ
Քրիստոսի Ծնունդից քառասուն օր հետո Հովսեփն ու Մարիամը Նրան տանում են Երուսաղեմի տաճար՝ Աստծուն ընծայելու: Սրբազան ավանդության համաձայն, երբ Հիսուսն ու Մարիամը մոտենում են տաճարին, արևելյան դուռը, որն Աստծո հրամանով փակ էր, մեծ դղրդյունով բացվում է: Երուսաղեմի բնակիչները ջահերով ու ճրագներով շտապում են տեսնելու տաճար եկողին՝ միմյանց ձայն տալով. «Տերն անցավ այս դռնով»: Տյառնընդառաջը Հայ եկեղեցու անշարժ տոներից է և նշվում է Քրիստոսի Ծննդից 40 օր հետո՝ փետրվարի 14-ին:
