Հունիսի 1-ը երեխաների պաշտպանության միջազգային օրն է
Հունիսի 1-ը երեխաների պաշտպանության միջազգային օրն է, որը սահմանվել է 1925թ.-ին` Ժնևում երեխաների պաշտպանությանը նվիրված համաշխարհային կոնֆերանսի ընթացքում:
Երեխաների պաշտպանության օր անցկացնելու որոշում է ընդունել Կանանց ժողովրդավարական միջազգային դաշինքը 1949թ., ինչին ՄԱԿ-ը հավանություն տալով՝ հայտարարել է, որ երեխաների կյանքի և առողջության պաշտպանության հարցն իր գործունեության գերակա ուղղություններից մեկն է:
Առաջին անգամ հունիսի 1-ը նշվել է որպես երեխաների պաշտպանության միջազգային օր 1950թ.-ին։
«Ընտանիք և Համայնք» ԲՀԿ-ի սաները հունիսի 1-ը նշեցին համաքաղաքացի երեխաների հետ շրջելով քաղաքում և տոնական տրամադրությունը փոխանցելով և մեծերին, և փոքրերին:
Մինչ տոնական քայլերթը սկսելը, երեխաներին օրհնեց Մեծամորի Սուրբ Ղազար եկեղեցու հոգևոր հովիվ Տեր Տաթև քահանա Կիրակոսյանը:
